جريدة امل مصر
شرح الكاتب محمد دياب، مؤلف فيلم “الجزيرة 2″، المعروض حاليًا بدور العرض السينمائية، بعض التفاصيل والخطوط العريضة لأحداث الفيلم بعد اللبث الذي حدث بين المشاهدين بسبب تداخل الأحداث.
وقال دياب، عبر حسابه الشخصى على “فيس بوك”: “هستأذن أي حد شاف أو هيشوف فيلم الجزيره 2، يقيم أحداث الفيلم في إطاره الزمني واللي هو قبل 30 يونيو، وده مكتوب في أول مشهد في الفيلم”.
وأضاف “صناعة فيلم كبير زي ده خدت تقريبًا سنتين، فالفيلم مكتوب في أول 2013 وساعتها كان المشهد مختلف، على سبيل المثال الداخلية المستضعفه ساعتها غير المستقوية الآن”.
وتابع، “النقطة التانية إن الفيلم زاد عليه شخصية تمثل التطرف الديني (جعفر)، وبقى هو ومنصور ورشدي مثلث سلبي بيتصارعوا وسط حدث جديد وهو عالم ما بعد الثورة، واللي شقلب حياه كل الشخصيات.. الثورة في الفيلم حدث وبس، الفيلم مبيحاولش من بعيد أو من قريب أنه يقييم الثورة، ولما على لسان الشخصيات السلبيى الـ3 الرئيسية ينتقدوا الثورة، فدي الشخصيات السلبية بتتكلم مش وجهة نظر صناع الفيلم، وبالعكس لو الشخصيات السلبية دي مدحت الثوره فكان ده هيبقة ذم”.
واختتم قائلًا “عامة قصة الجزيرة لسه منتهتش ولما ييجي الوقت عشان نتكلم عن الأحداث اللي بعد الزمن اللي انتهي عنده الفيلم، هنتناوله بالمناسب ليه”.
