اللى اختشوا ماتوا
بيقولك اللى اختشوا ماتـــــــوا والدم هرب م العيشيـــــــــــــــــن
واترشح لرياسة الدولــــــــــه عواجيز اعمارهم سبعيــــــــــــــن
وفوق السبعين بكمان حبـــــه قال يعنى مافيش قيادات شابـــــــه
وعجزنا نلاقى زى “أوبامـا” و”ساركوزى” نجيب زيه منين؟
……
بيقولك عايزن حُكــــــــــــــام من فرقة توت عنخ آمـــــــــــــون
رخصتهم مسحوبه علشـــــان تركيزهم شىء مش مضمـــــــون
اعراض الشيخوخه عليهــــــم باينه وملحوظه فى عنيهــــــــــــم
بالكاد راح يعرفوا أساميهـــــم دابغين الجلد وصابغيـــــــــــــــــن
……
بيقولك هايجيبوا رئيـــــــــــس زى المخلوع كان امريكـــــــــــى
ومقارب من عجل آبيـــــــــس وبيمضى ويختم توماتيكــــــــــــى
وصديق لأوباما وكوهيــن وبيكره أحمد وحسيـــــــــــــــــــن
وحبيب لأدارة صهيـــــــــــون ويقولها شوبيكى لوبيكـــــــــــــــى
……
بيقولك عايزين الريــــــــــــس اخوانى ويكون م العسكــــــــــــــر
ويكون مناخيره مكســـــــــوره وبيمضى من غير ما يفكــــــــــــر
ويطنش على رد المــــــــــــال ويسامح الفعل البطـــــــــــــــــــال
ويكون من جيش حتشبســــوت ويحب يصيد فى المتعكــــــــــــــر
……
بيقولك هايجيبوا رئيـــــــــــــس بيقولوا ويمكن مايجيــــــــــــــــش
ونعيش فى نظام المخلـــــــــوع مع باقى رجالته الالاضيـــــــــــش
والثوره خلاص سُك عليهـــــــا واديها كلبشات فى ايديهـــــــــــــا
بيقولك هايماطلوا النــــــــــــاس وهانشبع منهم طلطيـــــــــــــــــش
……
بيقولك يا نعيدوا الثـــــــــــــوره يانعيدوا “حسنى” وايامـــــــــــــه
ويا نقطعوا ايد الحراميــــــــــــه يا “معاوية”هايرجع بنظامـــــــه
واهى عدت سنه مع شهريــــــن واديكوا بعنيكم شايفيـــــــــــــــــــن
الثوره اتسرقت والســـــــــــارق هايسوق الثوار قدامـــــــــــــــــــــه
……
ياما نفسى أشوف مشنقه عاليـه وفى وسط ميدان التحريـــــــــــــــر
متعلق فيها الحراميــــــــــــــــه ولصوص كانوا مع “حسنى” كتير
يا نلبس رجالة الثــــــــــــــورة الحدوه ودستة طراطيـــــــــــــــــــر
وانا هالبس بردعه قدامهــــــــم والبس طرطور ذره كبيــــــــــــــــر
