#مع_المستشار …. عاش الملك. .مات الملك ثقافة يجب ان تتغير

طبقة الكريز ومبدأ عاش الملك مات الملك
علشان تعرفوا الشعب المصري ده أد أيه غلبان ومحدش حاسس بيه أتفرجوا علي
١-  شعب مهرجان الجونة السينمائي وهم الفنانين ومقدمي البرامج…….. الخ
٢- وشعب الساحل الشمالي من رجال الأعمال وأبنائهم وضيف عليهم الفنانين ومقدمي البرامج……. الخ
وشوفوا أد أيه الناس ديه عايشة وبتفرح وبتصرف ولا هاممها شئ ولا هاممهم المواصلات بقت بكام ولا الدعم اتشال ولا ما أتشالش ولا هاممهم رغيف العيش بقي بكام بعد الدعم هما كانو عارفين أصلا هو كان بكام قبل الدعم ولا هاممهم حاجة اد ماهممهم نفسهم وازاي يكونوا علي الموضة
ده يا سيدي حتي ولا يهمهم البلد ولا اللي فيها ولا أيه اللي بيحصل فيها ولا مين تعبان فيها ولا مين جعان فيها ولا عيان ولا حتي بيموت علشانها
هما عايشين لنفسهم وبس
ازاي يلبسوا علي أحدث موضة
ياه بص الفنان ده لابس أيشي بدلة سينيه تعملها مثلا ١٠٠ او ٢٠٠ الف وكمان الساعة والشوز
لا لا ده شيك أوي الراجل ده
وبص الفنانة ديه لابسة ايشي دريس علي أعلي موضة تفتكر ده يعمله كام اللي تقولك ٣٠٠ واللي تقول ده ٤٠٠ ومين يزود
واللي كلها عريانة ماهي الموضة دلوقتي مين يعري اكتر
شكلنا بقي رخيص شكلاً ومضمونا وموضوعاً
وتيجي تقولهم في مشاكل في المجتمع ما تحولوا تتضامنوا معاهم وحاولوا تحللهم مشاكلهم
يقولولك زي أيه
تقولهم مشكلة الأسرة المصرية وقانون الأحوال الشخصية والآباء والأزواج المطلقين والزوجات يقولولك ياعم كبر دماغك ديه مشكله مش هتتحل
تقولهم طب ليه ده حتي انتم ليكم تأثير مجتمعي وسياسي
فاكرين دور الفن في تغير نظرة المجتمع للمجرم زي فيلم جعلوني مجرما
ومناقشة سلبيات القانون زي الشقة من حق الزوجة وزي اريد حلا
يقولولك ربنا يسهل
طب حتي حاولوا تعملوا حتي فيلم او مشاهد عليها
يقولولك طيب هنشوف ونقولك
وهما في الحقيقة لا هيشوفوا ولا هيتكلموا
لأ وكمان ممكن يشتمونا في برامجهم وفي افلامهم وفي كل فنونهم واغانيهم ويقولوا علينا ساعات اننا شعب جنسي ومتخلف ومبنعرفش الاتيكيت وعالة عليهم
طب تيجي تقولهم ألحقوا الرئيس هيمشي
يبصولك ويقولولك بكل تأثير زي ما بيمثلوا الرئيس ماشي ياحرام بس ده كان طيب ومحترم تعالي نعمله اغنية ولا فيديو نؤيده
لكن في حقيقتهم وداخل دماغهم وتفكيرهم
رئيس مشي عادي رئيس جاي أهلا بيه
ولا فارقة اللي مشي مين؟ ولا اللي جاي مين؟؟
عموماً مع السلامة مكنش كويس
بعد ما كانوا بيصقفوله!!
واللي جاي ده محترم وبيحب بلده
يلا نعمله أغاني ونصقفلوه بردوا
سبحان الله ماهي ديه شغلتهم التمثيل لأي حد
ناس للأسف عايشة علي مبدأ
عاش الملك مات الملك
خلي بالكوا لا عمرهم حسوا بيكم ولا هيجيوا في يوم هيحسوا بيكم ولا هيشعورا بحد خالص منكم
حالة واحدة بس ممكن يعرفوكم ويعرفوا قيمتكم ومدي قوتكم؟ طب ازاي
لما الجميع فيكي يا بلد وقصدي الشعب
يمتنع عن زيادة ثرواتهم !!!! هتقولي أزاي؟؟؟
هقولك عندما تمتنعون عن متابعة أعمالهم
لما تمتنع عن دفع فلوس في السينما
لما تمتنع عن متابعة برامجهم
لما تمتنع عن متابعة مسلسلاتهم
لما تمتنع عن شراء المنتجات اللي بتمولهم بالملايين
ساعتها بس هيعرفوا قيمتكم وانا احنا مش هاموش ولا ذباب ولا عبيد عندهم
ده هما معتبرنكم عبيد وكمالة عدد وهما الأسياد
فوقوا بقي حرام عليكم
الناس ديه أكلت لما شبعت ومش بس شبعت
ديه كمان رمت الأكل الزيادة واستخصرتوا في حد جعان
الناس ديه لازم يعرفوا أن بفلوسنا هما أصبحوا كده
ولازم في النهاية يبقي في
كشف حساب لكل من استفاد ومفدش البلد
وبكرة أحلي من النهاردة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *